Deputeti i Partisë Demokratike, Luan Baçi ka përgënjeshtruar lajmin e publikuar ditën e sotme nga Top Channel e cila pretendon se kandidati i koalicionit “Bashkë Fitojmë” për bashkinë e Roskovecit ka qëlluar me grusht dy qytetarë në qendrën e votimit.
Gjatë një reagimi në rrjetet sociale, Baçi shkruan se Top Channel po dezinformon publikun shqiptar dhe për këtë do të përballen në gjyq për akuzën e shpifjes.
Baçi thekson se konflikti i pretenduar nga Top Channel nuk ka lidhje me Erdit Hazizaj, por është bërë me qëllim për të dëmtuar kandidatin e koalicionit Bashkë Fitojmë.
Reagimi nga Luan Baçi:
“Top chanel, genjen!
Une kam qene ne Rroskovec ulur ne tavoline me Erdit Hazizaj kur mesuam, se nje konflikt i castit pa kurrfare lidhje me Erdit Hazizaj, kishte ndodhur!
Frika e kandidates Bufi dhe rilindjes nga humbja e sigurt, ben qe te sajojne historira te pa qena!
Eshte ne turpin e top chanel dhe cdo media tjeter, qe fabrikon dhe fallcifikon, lajme te tilla per te demtuar kandidatin fitues Erdit Hazizaj!
I garantojme se do te perballen ne gjyq, per shpifje dhe dizinformim me dashje te publikut!”, shkruan Baçi.
