Ashtu siç edhe pritej procesi i numërimit të votave pas zgjedhjeve të kësaj të diele ka nisur me tensione në disa bashki.
Kështu në Mamurras raportohet se një kuti votimi është dëmtuar dhe siç shihet në foton e mësipërme ajo është çarë në pjesën e poshtme gjatë transportimit për në KZAZ.
Nga çarja e kutisë fletët e votimit janë lehtësisht të aksesueshme.
Kutia i është dorëzuar kryetarit të KZAZ-së dhe raportohet se është regjistruar si e pavlefshme, duke bërë që votat brenda saj të mos numërohen.
Në KZAZ nr.15 janë dorëzuar në total 216 kuti për 74 qendrat e votimit të bashkisë Kurbin.
