Kryebashkiaku aktual i Shkodrës, i cili kandidon nën siglën e koalicionit “Bashkë Fitojmë”, Bardh Spahia ka denoncuar prezencën e personave me rekorde kriminale pranë qendrave të votimit, kur na ndajnë edhe 90 minuta nga mbyllja e procesit zgjedhor.
Spahia u ka bërë thirrje autoriteteve që të reagojnë, duke i lejuar qytetarët që të shprehin vullnetin e tyre të lirë dhe pa intimidime nga grupet kriminale.
“Ka pasur prezencë të personave me rekorde kriminale në qendrat e votimit. Kam shprehur thirrjen për organet shtetërore që të garantojnë ushtrimin në mënyrë të lirë të qytetarëve nëpërmjet votës. Duhet ti garantohet qytetarëve votim i lirë dhe i qetë. Ka një rritje të ndërgjegjes qytetarëve për të votuar në krahasim me një vit më parë. Nuk ka asgjë më të rëndësishme për ne se sa pjesëmarrja masive”, tha Spahia.
