Një i ri shqiptar ka humbur jetën në një aksident mbrëmjen e djeshme në Itali.
Mediat raportojnë se aksidenti fatal ka ndodhur në rrugën provinciale që lidh Noicattaro me Rutigliano, Bari.
20-vjeçari shqiptar Griseld Topi, banues në Noicattaro, po udhëtonte me makinën e tij kur në rrethana ende të paqarta është përplasur me një kamion që udhëtonte në rrugën provinciale.
Pas përplasjes së fortë makina e shqiptarit ka dalë nga rruga dhe 20-vjeçari ka humbur jetën në vend.
