Kandidati i koalicionit “Bashkë Fitojmë” për Bashkinë e Elbasanit, Luçiano Boçi, ka deklaruar ditën e sotme se vetëm për betonizimin e parkut janë shpenzuar 3.5 miliard lekë.
Përmes një portimi në rrjete sociale, Boçi tha se qytetarët e Elbasanit e kanë kuptuar më herët paaftësinë menaxhuese të bashkisë dhe shpërdorimin korruptiv të taksave të tyre.
Ai ftoi qytetarët që në 14 maj të bashkohen për të votuar ndryshimin.
Reagimi i Boçit:
Qytetarët nuk kanë pritur fushatën për të kuptuar paaftësinë menaxhuese dhe shpërdorimin korruptiv që i është bërë taksave të tyre! Imagjinoni 3.5 miliard lekë për betonizimin e parkut! Çfarë mund të ishte bërë me aq shumë para?
Boll me abuzime! Në 14 maj, ju firmosni ndryshimin
