I ftuar në Top Story, kryebashkiaku aktual i Shkodrës Bardh Spahia foli për betejën e tij të radhës përballë kundërshtarëve më 14 maj. Foli për projektet që sipas tij kanë qenë në sirtar dhe nuk janë marrë parasysh nga qeveria Rama, për mashtrimet me projektet 3D që qeveria përpiqet sipas tij të gënjej shkodranët si dhe për shpopullimin e kryeqendres së veriut si pasojë e varfërisë.
Spahia tha gjithashtu se në një vit, Shkodrës i ikin rreth 6 mijë persona, ndërkohë që nga 186 mijë votues vetëm 50 mijë prej tyre shkojnë në qendrat e votimit.
“Kam bërë thirrje të gjitha institucioneve shtetërore për të bashkëpunuar më Bashkinë Shkodër. Kemi pasur një mungesë vëmendje dhe unë ndaj kam publikuar edhe dokumentet. Janë rreth 50 projekte të bëra gati dhe të paraqitura dhe që janë bllokuar nga qeveria. Nuk ka asnjë përgjigje.
Nga 2015 deri në 20222 janë 42 projekte të dërguara nga Bashkia Shkodër dhe vetëm 4 prej tyre [a ndonjë peshë të madhe kanë marrë përgjigje.
Kryeministri nuk e njeh mentalitetin e Shkodrës. Shkodranët nuk e shesin integritetin e tyre dh elirinë e tyre.
Etiketimi që Rama bën ndaj kandidatëve, tregon përqasjen që ai ka si diktator. Do doja të shihja kryeministrin të refektonte se pse një komunitet i tërë zgjedh të votojë kundër tij. Ai duhet të kërkonte votën ndaj vëmendjes që ka treguar ndaj shkodranëve dhe jo ndaj kërcënimeve.”, tha Spahia.
A duhet të vendosen shkodranët përballë asaj që thuhet të nos tenderojë lirinë e vet?
“Shkodranët dhe shqiptarët e kanë pasur kohën e mjaftueshme për të parë vëmendjen e kryeministrit. Ata e kanë parë veten gjatë këtyre dhjetë viteve ashtu si shumica e shqiptarëve. Shkodra sot përballet me numrin më të lartë të të larguarve. Rreth 6 mijë veta në vit largohen nga Shkodra dhe kjo është e tmerrshme. Në lista janë 186 mijë votues, në votime marrin pjesë shumë herë më pak, nën 50 mijë. Shpresojmë këtë herë të kemi një rritje krahasuar me vitin e kaluar. Pjesëmarrja massive favorizon opozitën dhe besoj që këtë herë të jetë më ndryshe”, tha Spahia.
Kush të shqetëson më shumë?
E shoh veten më të fortë se në 6 mars. Kontaktin tim e kam me qytetarët dhe interesohem dhe tërheq vëmendjen e qytetarëve të mbështetsve . Mendoj se forca e vërtetë qëndron tek kontakti dhe dëshira për të oërfaqësuar më së mirë dhe mbrojtur qëndrimin qytetar. Nuk më shqetëson asgjë, betejën e kam me mbështetje e qytetarëve.
Është vënë një bast këtë herë për Shkodrën?
Me Shkodrës është vënë gjithmon bast. Jam I bindur se do ta humb kushdo që mendon se ai fitohet përmes mashtrimeve elektorale dhe ofertave 3D. Do ta humb kushdo që angazhon administratën shtetërore apo duke përdorur grupet kriminale.
