Një person është arrestuar për akuzën e shit-blerjes së votave nga policia e Tiranës, që ka shpallur në kërkim një tjetër person.
“Bazuar në pamjet filmike të postuara në portale, në të cilat shfaqet një shtetas që komunikon për shit-blerje votash, menjëherë kanë organizuar punën dhe kanë finalizuar operacionin policor të koduar ‘Premtuesi’. Si rezultat, u bë arrestimi i shtetasit K. A., 52 vjeç, banues në Tiranë, si dhe nisi procedimi në gjendje të lirë për shtetasin A. D., 61 vjeç, banues në Tiranë”, njofton policia.
Këta shtetas janë shfaqur në një video duke komunikuar me njëri-tjetrin për shit-blerje votash për një subjekt politik, shtuan të njëjtat burime.
