Një automjet është përfshirë nga flakët këtë të mërkurë në autostradën Tiranë-Elbasan.
Nga ngjarja, nuk ka persona të lënduar.
“Rreth orës 11:45, në aksin rrugor ‘Tiranë-Elbasan’, dyshohet se për shkak të një defekti, ka marrë flakë gjatë kohës që ishte në lëvizje, automjeti tip ‘Benz’, me drejtues shtetasin A. H., 40 vjeç. Si pasojë e flakëve është djegur plotësisht automjeti”, thuhet në një njoftim të policisë.
Grupi hetimor po punon për përcaktimin e shkaqeve të rënies së zjarrit, shtuan të njëjtat burime.
