Kandidati i koalicionit “Bashkë Fitojmë” për bashkinë e Kavajës, Fisnik Qosja ka publikuar në Facebook një video ku përmbledh momentet më emocionuese të fushatës së tij elektorale.
Qosja ka publikuar pamjet e legjendave të ekipit Besa të cilët kanë dhënë kontributin e tyre për skuadrën e zemrës, por që tashmë nuk e ka një fushë futbolli.Teksa rrëfehen, ata përlotën, duke bërë që të emocionohet edhe kandidati për kryetar bashkie, Fisnik Qose.
“Mbaj mend që kemi shkuar në Lezhë ku kishim ndeshje deçizive. Tifozat na kanë ardhur me biçikletë në Lezhë. Ka pasur edhe raste që kanë ardhur edhe në këmbë, në Durrës për të parë ndeshjen. Stadiumi jonë ka qenë një nga stadiumet më të mirët në Shqipëri dhe ta shohësh në këtë gjendje është keqardhje”, shprehet Agron Karriqi, ish futbollist i Besës.
“Ndoshta momenti më emocionues i kësaj fushate Ju ftoj ta ndiqni miq! Por edhe ilustrimi më kuptimplotë mbi standardin mizerabël me të cilin është trajtuar imazhi dhe identiteti i Kavajës në këtë katër vjeçar! 14 Maj Dita e Ndryshimit”, shkruan Fisnik Qosja krahas videos në Facebook.
