Një magazinë është përfshirë nga flakët në Vlorë këtë të martë.
Nga ngjarja nuk raportohet për persona të lënduar, për dëmet materiale janë të konsiderueshme.
“Rreth orës 11:30, në lagjen ‘Osman Haxhiu’, dyshohet se për shkak të një shkëndije elektrike, ka rënë zjarr në magazinën në pronësi të shtetasit R.Sh.”, njoftoi policia.
Si pasojë janë shkaktuar vetëm dëme materiale, ndërsa grupi hetimor vijon punën për dokumentimin e plotë ligjor të shkakut të rënies së zjarrit, shtuan të njëjtat burime.
