Një grua ruse është akuzuar se ka punësuar një vrasës me pagesë, për të vrarë fëmijët e saj për shkak të trashëgimisë së tyre.
Policia në Krasnoyarsk, qyteti i dytë më i madh në Siberi, arrestoi 67-vjeçaren javën e kaluar.
Pamjet e publikuara nga Ministria e Punëve të Brendshme në Telegram, tregojnë tre oficerë me rroba civile që e ndalojnë pensionisten jashtë shtëpisë së saj.
“A e kupton pse të kemi ndaluar?”, e pyet njëri prej tyre në rrugë, ndërkohë që i vë prangat.
E habitur, gruaja përgjigjet: Jo.
Thuhet se ajo urdhëroi vrasjen e djalit dhe dy vajzave të saj, në mënyrë që të mund të bëhej pronare e vetme e një prone familjare.
Ajo ndau planin e saj me shoqen e saj, e cila e ndihmoi të gjente një vrasës me pagesë, i cili më vonë u pagua 80,000 ₽, ose pak më shumë se 810 £ për të bërë punën.
Plani i saj u ekspozua në ditën kur vrasësi me pagesë, duhej të nxirrte një nga vajzat e saj jashtë.
Fotot e shpërndara nga policia tregojnë grumbullin e parave, që ajo dyshohet se i kishte nxjerrë për të bërë pagesën.
Në një deklaratë të ministrisë thuhet: Punonjësit e departamentit të hetimit penal të Ministrisë së Punëve të Brendshme të Rusisë në Krasnoyarskoye, arrestuan një të dyshuar për organizimin e vrasjes së fëmijëve të saj.
Operatorët morën informacion se një banore e qendrës rajonale, e lindur në vitin 1956, duke dashur të mbetej pronare e vetme e pasurive të paluajtshme, ka urdhëruar vrasjen e djalit të saj, i lindur në 1978 dhe vajzave të lindura në 1974.
