Pasi KAS rrëzoi kërkesën e tyre për të mos e ndarë anëtarin e katërt të KZAZ-ve me PDIU-në, Partia e Lirisë është drejtuar sërish me një kërkesë për Kolegjin Zgjedhor.
Në kërkesën në fjalë, PL kërkon që anëtari i katër i grupit të numërimit të votave të jetë vetëm i partisë së tyre. Ndërkohë, në Gjykatën Administrative të Apelit do të hidhet shorti për të përcaktuar trupën gjykuese që do të marrë në shqyrtim kërkesën e Partisë së Lirisë.
Nga 4 anëtarë, 2 numërues i përkasin PS-së dhe 1 PD-së së vulës. Ndërkohë, sipas shortit që u hodh në KQZ pak ditë më parë, Koalicioni Meta-Berisha do të ketë numërues të votave për zgjedhjet e 14 majit vetëm në tavolinat e numërimit me numër tek në të gjitha KZAZ-të e vendit. Ndërsa, Partia për Drejtësi Integrim dhe Unitet në tavolinat me numër çift.
