Një lajm i bujshëm vjen nga Spanja sa i përket të ardhmes së Lionel Messit. Ylli argjentinas duket se e ka vendosur se ku do të transferohet në verën e ardhshme.
Në tavolinën e “Pleshtit” janë katër oferta, ku Paris Saint-Germain kërkon ta mbajë në skuadër, Barcelona ta rikthejë, ndërsa Al-Hilal dhe Inter Miami duan të bëjnë transferimin më të bujshëm në historinë e tyre.
Megjithatë, sipas “El Chiringuito”, do të jetë Al-Hilal klubi i ardhshëm i yllit argjentinas. Lionel Messi pritet të vazhdojë sërish rivalitetin me Ronaldon, por këtë herë në Arabinë Saudite.
Kontrata milionere e ofruar nga klubi arab duket se e ka bindur sulmuesin argjentinas të pranojë ofertën.
Por historia nuk përfundon këtu, pasi me Messin pritet të bashkohen edhe dy shokë skuadre që nga koha e Barcelonës. Tek Al-Hilal në verë, së bashku me Messin do të transferohen edhe Sergio Busquets dhe Jordi Alba.
