Finalja e Kupës së Greqisë mund të luhet në Tiranë. Mediet greke raportojnë se Federata Shqiptare e Futbollit ka dhënë miratimin që kjo sfidë të zhvillohet në stadiumin “Air Albania”.
Në këtë ndeshje do të përballen dy gjigantët e futbollit grek, AEK i Athinës dhe PAOK i Selanikut. Ky takim ishte programuar të zhvillohej sot, por për shkak të trazirave mes tifozerive është shtyrë.
Kësisoj, “Air Albania” është një opsion për të pritur për këtë finale të madhe siç raportohet nga sport-fm.gr: “Federata Shqiptare e Futbollit ka dhënë miratimin për finalen e Kupës në Tiranë! Ekziston mundësia që zhvillimi i kësaj finaleje të luhet në Shqipëri. Sipas informacioneve nga Dimitris Tsorbatzolglou, nga Shqipëria ka pasur përgjigje pozitive”.
