Ndryshimi i dinamikës së krimit në vend, ka sjellë nevojën edhe për një riorganizim të disa strukturave të veçanta në Policinë e Shtetit që lidhen me hetimin e krimit, teknologjinë e informacionit dhe krimin kibernetik.
Kjo strukturë e re e miratuar tashmë nga këshilli i ministrave pritet të vihet në funksion në qershor të këtij viti.
Me strukturën e re pritet që policisë së shtetit ti shtohet një departament i ri, ai i Teknologjisë së Informacionit që do të ketë sektorë në çdo drejtori vendore. Po ashtu riorganizime do të kenë dhe krimi ekonomik dhe kibernetik.
Nisur nga trendi në rritje i krimeve kibernetike, por edhe sulmet e ndodhura një vit më parë ndaj sistemeve shtetërore, sektor që ishte, tashmë krimi kibernetik, do të ngrihet në nivel drejtorie dhe pritet të zgjerohet në staf./TCH
