Pas Korçës dhe Durrësit, sot është zgjedhur edhe projekti fitues për stadiumin e ri të Vlorës, ku të pranishëm në ceremoni ishin edhe kreu i FSHF-së Armand Duka dhe kryeministri Edi Rama.
Fitues për stadiumin e ri në Vlorë, është zgjedhur projekti XDGA nga studioja belge.
Për stadiumin e Vlorës, garuan për finalen 3 studio prestigjioze të arkitekturës bashkëkohore: FUKSAS (Itali), OPPENHEIM Arkitekturë (SHBA & Zvicër) dhe XDGA (Belgjikë)
Projekti i tretë u prezantua nga studio belge XDGA e cila solli idenë e një stadiumi ikonik të rrethuar me kulla, që do të shërbejnë për një pamje më të bukur. Sipas studios do të ketë fusha sportive, pishinë, do të ndërtohen edhe disa ndërtesa që do të jenë të rëndësishme për më vonë.
