Këtë të enjte, dy përfaqësues të institucionit të akuzës nga Mbretëria e Bashkuar kanë mbërritur në Shqipëri.
Autoritetet angleze po zhvillojnë takime me grupin hetimor si dhe drejtues së prokurorisë së Lezhës.
Gjatë kësaj vizite në vendin tonë ata janë duke u njohur me dosjen hetimore për vrasjen e biznesmenit Ardian Nikulaj.
Pasi ata të jenë njohur me të gjitha provat do të vendosin për ekstradimin e personave të cilët janë arrestuar pak ditë më parë në Londër.
Personat që ranë në pranga janë Edmond Haxhia, Steven Hunt, Thomas Mithan dhe Harriet Bridgeman.
Sipas ligjit të ekstradimit të Britanisë së Madhe, Shqipëria ka 45 ditë kohë për të dërguar dosjen me të gjitha provat e siguruar për personat që kërkon ekstradimin.
