Historia e krimeve të një 23-vjeçari shqiptar, që u arrestua të hënën, më 1 Maj në Romë, i përngjan një filmi me metrazh të shkurtër.
Sipas raportimeve të mediave italiane, i riu nga Shqipëria që ndodhej me pushime në kryeqytet, brenda pak orësh ka arritur të grabisë një makinë, më pas të arratiset dhe t’i bëjë rezistencë policisë, madje duke i goditur efektivët.
23-vjeçari ka vjedhur një makinë “Audi Q2” në Primavalle dhe rreth orës 03:30 pas mesnatës dhe u identifikua nga agjentët falë sinjalit nga pajisja satelitore kundër vjedhjes të montuar në automjet.
Pas marrjes së sinjalit, policia nisi një aksion ndjekjeje të guximshme që zgjati shumë duke përshkuar lagje të ndryshme të Romës.
23-vjeçari që u largua me gazin në fund, pak pas nisjes së ndjekjes nga policia u përplas me një nga portat e burgut Kapitolinë të Rebibibbia.
Por ai nuk u ndal aty pasi vijoi arratisjen e tij në këmbë, pas goditjes së bujshme në portat e burgut.
Gjithashtu, karabinierët u surprizuan pasi shqiptari sapo u fut në rrezen e oficerëve, të cilët nuk e lanë të lirë, tentoi t’i rrihte duke i sulmuar fizikisht, por pas pak kohe u prangos.
Prandaj ai tani është nën hetim për vjedhjen e makinës dhe rezistencë ndaj një zyrtari publik, si dhe për dëmtim të makinës, e cila u shkatërrua në përplasjen me portat e burgut.
