Sezoni i parë i Sadio Mane te Bayern Munchen nuk ka shkuar si duhet. Sulmuesi senegalez nuk ka shfaqur potencialin e tij dhe shifrat kanë qenë zhgënjyese.
Sikur të mos mjaftonin këto, Mane ka krijuar mjaft problematika jashtë fushës së blertë, duke prishur tërësisht atmosferën e grupit.
Sherri i fundit me Sane nuk është përtypur lehtë nga klubi dhe shumë shpejt priten të reja.
Sipas gazetarit Christian Falk, bavarezët dhe Mane kanë rënë dakord për ndërprerjen e bashkëpunimit në fund të sezonit. Edhe pse ai ka kontratë deri në vitin 2025, si duket marrëveshja nuk do respektohet deri në fund.
31-vjeçari është aktivizuar në 22 ndeshje në Bundesligë dhe ka gjetur rrugën e rrjetës 7 herë, ndërsa ka asistuar 4 herë.
