Një 28-vjeçar është shpallur në kërkim nga policia pasi dyshohet se ka marrë një automjet me qira dhe nuk e ka kthyer më.
Blutë bëjnë me dije se është shpallur në kërkim shtetasi V.H, 28-vjeç.
“Policia e Lushnjes shpalli kërkim shtetasin V. H., 28 vjeç, banues në Divjakë, pasi dyshohet se ka marrë me qira 1 automjet në Lushnjë, dhe nuk e ka kthyer më. Punohet për kapjen e 28-vjeçarit”, – njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
