Një nga format më të preferuara të argëtimit për Kosta K., autori i masakrës në Serbi, me 8 nxënës të vrarë dhe roja e sigurisë në shkollën fillore ‘Vladislav Ribnikar’, ishte ‘airsoft’ që shpesh përshkruhet si simulimi më i mirë i luftës.
‘Airsoft’ është një sport, apo argëtim, që i ngjan paintball-it (painball), por ka një ndryshim. Paintball është një lodër që hedh topa të mbushur me bojë, të cilat përdoren për të shënuar kundërshtarin kur goditet, në airsoft pamja e armës së përdorur është e ndryshme.
‘Airsoft’ është shumë më i ngjashëm me një armë të vërtetë. Kopjet që bëhen dhe përdoren në ‘airsoft’ për sa i përket formës, pamjes dhe peshës janë identike si pushka automatike, pistoleta ose snajperët e vërtetë. Dallimi është se armët ‘airsoft’ qëllojnë fishekë plastikë 6 mm, të cilët nuk mund të dëmtojnë askënd, shkruajnë mediat serbe.
Gjëja më e keqe që mund t’u ndodhë lojtarëve të airsoft është të mbeten me një mavijosje. Ndërsa armët e vërteta përdorin gazra pluhur, airsoft, si nga vetë emri, funksionon duke përdorur presionin e ajrit për të gjuajtur fishekë plastikë. Armët airsoft janë mjaft të shtrenjta, një kopje e mirë e një pushke automatike kushton disa mijëra euro, por jo për familjen e 14-vjeçari që shkaktoi masakrën në Serbi, të cilët në kasaforta mbanin armë të vërteta, prej nga ku u shkaktuar tragjedia me 9 të vdekur në shkollën fillore.
