Prezantuesja televizive spanjolle, Maria Moran, ka denoncuar në polici se ka marrë ofendime dhe kërcënime për shkak të pyetjeve që i bëri Carlo Ancelottit në konferencën për shtyp.
Tifozët e Real Madridit janë shqetësuar nga një pyetje për Vinicius, i cili konsiderohet një futbollist teatror, i prirur për provokime dhe protesta ndaj arbitrave.
“A mendoni se Vinicius mund ta përdorte kartonin e kuq si leksion për protesta të vazhdueshme ndaj arbitrave?”, pyeti gazetarja trajnerin e Realit, i cili iu përgjigj:
“Një karton i kuq? Ai nuk ka nevojë për një të kuq, me gjithë të verdhët që mori, mjafton”, u përgjigj Ancelotti.
