Jude Bellingham do të jetë një futbollist i Real Madrid. Ka qenë Marca që ka bërë publik lajmin, duke i kushtuar një artikull këtij transferimi.
Sipas asaj që shkruhet, Dortmund tashmë është dorëzuar përballë Los Blancos dhe verdhezinjtë kanë bërë me dije se futbollisti kushton 140 milionë euro.
Gjithsesi, spanjollët kanë besim se do mund të ulin çmimin e kartonit të lojtarit në 120 milionë euro.
Sa i takon kontratës së re të Bellingham, talenti anglez do të firmosë me galaktikët të paktën deri në vitin 2029. Si në çdo merkato tjetër, edhe në këtë që do vijë, Real Madrid do të godasë fuqishëm.
