I fundit që ka folur për momentin e Interit ka qenë ish-trajneri i Kombëtares, Gianni De Biasi.
Italiani është intervistuar nga “Tutti Convocati” dhe nuk e ka fshehur zhgënjimin e tij nga zikaltrit.
“Interi ka skuadrën më të fortë në kampionat në nivel teknik dhe është ky motivi për të cilin ndihem shumë i zhgënjyer nga ecuria që ka pasur skuadra e Inzagit në këtë sezon të Serisë A.
Napoli ka bërë diçka të jashtëzakonshme dhe të mrekullueshme, ndërkohë që gara ka qenë e ekuilibruar për gjithë të tjerat. Pastaj, disa trajnerëve u duhet dhënë kohë, nuk mund t’i shënjestrojnë menjëherë”, u shpreh 66-vjeçari.
