Kandidati i opozitës për bashkinë e Durrësit, Igli Cara deklaroi në Çim Peka Live se fushata e rivales socialiste, Emiriona Sako, drejtohet nga Vangjush Dako.
Ai tha se Dako organizon takimet elektorale të Sakos. Gjithashtu ai tha se kompania e Vangush Dakos fiton të gjithë tenderat e bashkisë së Durrësit.
“Zonja Sako ka 10 vjet që ka punuar me zotin Dako, drejtoreshë në bashkinë e Durrësit. Është fakt, e di i gjithë qyteti i Durrësit që Dako është i pranishëm në çdo projekt, ndërhyn në çdo gjë që ndodh në bashkinë e Durrësit. Vijojnë projektet e Dakos, firma e Dakos vazhdon me betonet, ndërtuesit janë klientët e Dakos. Pra, Dako vazhdon të njëjtin aktivitet që prej vitit 2007. Dhe sot është drejtues fushate de facto në çdo takim elektoral, në çdo mbështetje me grupet e tij. Nuk ka ndodhur kurrë që një kompani betoni të marrë 100% investimet publike. T’ju jap fotot e Velierës, me targa të firmës 3D, shkon në plazh firma 3D, në rrugë dhe kudo ku hidhet beton janë targat e firmës 3D të Dakos. Mjafton kjo apo duhen fakte të tjera të shoh Dakon duke firmosur si kryetar i bashkisë. Fakte më të rënda se këto nuk ka”, tha Cara per Syri tv.
