Enkelejd Alibeaj është shprehur i sigurt se grupi që ai përfaqëson do të marrë pushtetin në vitin 2025.
Përballë panelit të gazetarëve në studion e “Opinion”, Alibeaj theksoi se Partia Demokratike do të fitojë në zgjedhjet e ardhshme parlamentare.
Gjithashtu Alibeaj tha se pas zgjedhjeve lokale të 14 Majit do të paraqesë një platformë të re për rikonceptimin e partisë dhe se kjo është pjesa më e rëndësishme.
“Ne që përfaqësojmë Partinë Demokratike po përgatitemi për zgjedhjet e ardhshme parlamentare të 2025. Iu siguroj që në zgjedhjet e vitit 2025 ne do të marrim pushtetin, do të fitojmë zgjedhjet, iu siguroj për këtë!”, tha Enkelejd Alibeaj.
Kujtojmë që në zgjedhjet e pjesshme të 6 marsit të vitit të shkuar, “grupi Alibeaj” në rang votash u shpall forcë e tretë, ndërsa kreu i Partisë Demokratike Sali Berisha megjithëse ishte pa logon e PD-së arriti të fitojë bashkinë e Shkodrës me kandidatin e tij, Bardh Spahinë.
