Ditët e para te muajit maj pritet të jenë të paqëndrueshme, në disa raste edhe me reshje shiu.
Hakil Osmani nga Meteoalb tha se megjithatë kjo fundjavë pritet të jetë e kthjellët.
“10 ditëshin e parë të muajit do të kemi një mot të paqëndrueshëm. Do të kemi ditë të cilat do të jenë me vranësira, reshje shiu. Nga dita e shtunë, një pjesë e saj dhe dita e dielë presim të kemi intervale me kthjellime dhe prani të pakta të vranësirave”, tha Osmani.
Ndërkohë temperaturat do të jenë të larta, tipike për pranverën: “Maksimumi në fundjavë temperaturat do të ngjiten në 26 gradë celsius. Pra do të jenë gati dy gradë se pranvera normale”.
