Sekretari i Përgjithshëm i Partisë së Lirisë, Tedi Blushi tha se premtimet kandidatit të koalicionit “Bashkë Fitojmë” për Tiranën, Belind Këlliçit janë 100 % të realizueshme.
Blushi shtoi se kandidatët e opozitës janë superior përballë atyre të Ramës. Ai shtoi se opozita ka hyrë në garë në 61 bashkitë e vendit për t’i fituar.
Në një intervistë për Faxnews, u shpreh:
“Premtimet e Këlliçit janë 100 % të realizueshme, do ketë transport publik falas dhe modern, reduktimin e nje sërë taksash dhe tarifash që paguajnë bizneset, zotimin tjetër për ndertimin e 500 oazeve të gjelberta dhe këndeve të pushimit, kemi premtimin referuar buxhetiit për ndërtimin e kopshteve dhe cerdheve ne cdo lagje dhe nënkalimit të sheshit Skendërbej që pritet të lehtësojë trafikun. Janë zotime të realizueshme. Opozita ka hyrë në garë në 61 bashkitë e vendit për t’i fituar. Kjo garë ka 61 kandidatë të shkëlqyer, potencialisht fitues. Shumica e kandidiateve te Rames janë nën hetime për afera korruptive, përballë këtyre kandidatëve opozita ndihet superiore. Shumica e kryebashkiakëve kanë minimalisht nga 2 mandate, nuk kanë cfarë të premtojnë”.
