Autoritetet italiane kanë arrestuar një shqiptar dhe një rumun pasi u kapën me gati 6 kilogramë kokainë të fshehura në një qese në kabinën e një kamioni.
Skuadra e lëvizshme e komisariatit të Novarës të shtunën e 22 prillit ka kryer kontrolle në zonën e Cimit, interport i Novarës, mbi dyshimet për trafik drogë.
Gjatë njërit prej këtyre kontrolleve në bordin e një kamioni me targa italiane, i drejtuar nga shtetasi rumun dhe i shoqëruar nga një shofer i dytë me kombësi shqiptare, oficerët gjetën një çantë të fshehur mes sediljeve të përparme dhe zonës së pushimit, e cila përmbante pesë pako të një substancë e bardhë.
Në analizë rezultoi se ishte kokainë, me peshë 5.7 kilogramë. Në kabinë janë gjetur edhe 3000 euro cash.
Droga dhe paratë u sekuestruan ndërsa dy drejtuesit e kamionit ndodhen në paraburgim në burgun e Novarës.
