Romanca që lindi në shtëpinë e Big Brother Vip Kosova mes këngëtarit të njohur Getinjo dhe Vivien Thano mori fund pak javë më parë.
Dyshja edhe pas daljes nga shtëpia e Big Brother vazhduan po njësoj romancën e tyre dhe shpesh janë përfolur për kriza të vazhdueshme në lidhjen e tyre të shkurtër, të cilat i kanë përgënjeshtruar.
Këto aludime u përforcuan pas postimeve të reperit Getinjo në Instagramin e tij, ku njoftoi fansat se po kalonte një fazë depresioni dhe të gjithë dyshuan se kjo lidhej me Vivien, mirëpo ai vetë tha se kjo situatë nuk ka të bëjë me këtë të fundit.
Por gjithçka tashmë është e dukshme, çifti nuk janë më bashkë dhe thashethemet për ndarjen e tyre që qarkullojnë prej ditësh janë të vërteta.Duket se shkas për këtë janë bërë debatet e vazhdueshme me njëri-tjetrin dhe pikëpamjet e ndryshme përsa i përket të ardhmes së përbashkët.
Raportohet se një prej debateve të tyre më të forta ka ndodhur në Zvicër një ditë pas festimit të ditëlindjes së 30-të të Getinjos. Arsyeja e këtij konflikti, mbetet sërish mister.
