Kandidati i koalicionit opozitar “Bashkë Fitojmë”, Igli Cara është ndalur ditën e sotme në takime me tregtarët në qytetin e Durrësit, duke mësuar problematikat e tyre.
Pamja që të ofron tregu i fruta-perimeve, ku qytetarët supozohet të blejnë ushqimet e shportës bazë është e mjerueshme, me çmimet e larta që kanë ndikuar ndjeshëm në ekonomitë familjare duke ulur blerjet dhe konsumin.
Cara teksa ndan fotot nga takimi në Facebook nënvizon se në këto kushte ndryshimi nuk është më një dëshirë, por domosdoshmëri.
“Te tregu i fruta-perimeve të qytetit, ku produktet nuk mungojnë, por fuqia blerëse ka rënë ndjeshëm.
Ndryshimi nuk është thjesht dëshirë e përbashkët, por domosdoshmëri, me synimin për të përmirësuar ndjeshëm cilësinë e jetesës së çdo qytetari të Durrësit, qoftë tregtar ose konsumator. Në 14 Maj bashkë bëjmë ndryshimin! Qyteti je ti!”, – shkruan Cara.
