Numri i të infektuarve me sëmundje seksualisht të transmetueshme dhe kryesisht HIV/AIDS në vendin tonë po rritet frikshëm dhe ekspertët ngrenë alarmin pasi rastet e reja konstatohen kryesisht në grupmoshat nga 18-35 vjeç.
Sipas raportit të ISHP-së për tremujorin e parë të vitit 2023, në vend janë regjistruar 8 raste të reja të infektimeve me HIV/AIDS.
Ekspertët japin alarmin se kjo sëmundje seksualisht e transmetueshme vijon të rrisë numrin e të infektuarve nga viti në vit.
Sipas raportit zyrtar të Institutit të shëndetit publik, 8 rastet e reja të identifikuar vetëm në një muaj janë 5 meshkuj dhe 3 femra.
Mësohet se 5 nga të infektuarit janë nga Tirana, 2 nga Elbasani dhe 1 nga Berati.
Për sa i përket moshës, 1 rast i përket grup-moshës 16-24 vjeç, 3 raste në 25-34 vjeç, 1 rast 35-44 vjeç dhe 3 raste i përkasin grup-moshës 45-54 vjeç.
Mjekët ngrenë shqetësimin se shumica e të infektuarve vijnë në stadin AIDS.
Aktualisht në Shqipëri janë të përfshirë në skemën e mjekimit 780 persona të rritur dhe 12 fëmijë me HIV.
Përgjatë 2022 kanë ndërruar jetë 11 persona me AIDS, 5 prej të cilëve janë diagnostikuar po këtë vit.
