Një projekt-ligj i paraqitur nga qeveria e Giorgia Melonit në Itali do të ndalonte mishin artificial të rritur në laborator, si dhe ushqime të tjera sintetike.
Qëllimi i legjislacionit është mbrojtja e kulturës ushqimore italiane, por edhe mbrojtja e shëndetit.
Në veçanti, ushqimet sintetike që rrjedhin nga qelizat shtazore pa u vrarë kafsha do të ndalohen. Me fjalë të tjera, dispozita ka të bëjë me mishin, peshkun dhe qumështin laboratorik.
Gjobat mund të arrijnë deri në 60 mijë euro
Projektligji ka edhe mbështetjen e fermerëve, vëren BBC. Lobet e fermerëve mblodhën rreth 500,000 nënshkrime për të mbrojtur “ushqimet natyrale” kundër ushqimeve sintetike. Kryeministrja Georgia Meloni është mes nënshkruesve.
Megjithatë, ato kundërshtohen nga shoqatat për të drejtat e kafshëve, sepse mishin e laboratorit e konsiderojnë një zgjidhje kundër emetimeve të gazrave serrë.
Ndërkohë, qeveria Meloni ka ndaluar edhe përdorimin e miellit të insekteve për përgatitjen e makaronave apo picave.
Në SHBA, FDA dha lejen nëntorin e kaluar për konsumin publik të mishit të pulës, mishi i të cilit ishte “rritur” në laborator.
Asnjë licencë e ngjashme nuk është dhënë në Bashkimin Evropian. Nëse kjo ndodh, Italia nuk do të jetë në gjendje të kundërshtojë përdorimin e mishit të fabrikës për shkak të lëvizjes së lirë të mallrave brenda BE-së.
