Roma po luan ndeshjen e javës së 32 të Serisë A italian kundër Milanit, teksa dy skuadrat po luftojnë për një vend në Ligën e Kampioneve. Titullar e ka nisur takimin mbrojtësi i Kombëtares, Marash Kumbulla i cili ka qenë i pafat.
Marash Kumbulla ka lënë fushën i dëmtuar duke u larguar që në minutën e 15 të takimit. Pas një përplasjeje me sulmuesin Oliver Zhiru, Kumbulla e ka pasur të pamundur të vazhdonte më tej, duke i lënë vendin 20-vjeçarit, Edoardo Bove.
Kjo ishte ndeshja e parë si titullar për Kumbullën në kampionat që nga 12 marsi, në një takim ndaj Sasuolos ku edhe aty nuk arriti ta përfundonte duke qenë se u largua me karton të kuq.
