Policia e Shkodrës po kryen një operacion anti-kanabis në Malësinë e Madhe, në zonat me risk te lartë kultivimi.
Mësohet se në operacion janë angazhuar 100 forca policore dhe 6 dronë, me qëllim kontrollin e territorit malor.
Fillimisht do të kontrollohen territoret e njësive administrative Shkrel dhe Gruemirë.
Gjatë momenteve të para të kontrollit, janë evidentuar disa vende të hapura rishtas, ku dyshohet se në këto miniparcela mund të kultivohet kanabis, të cilat do të mbahen nën kontroll nga shërbimet e Policisë në vijimësi, me qëllim parandalimin e tentativave për kultivim të bimëve narkotike.
Operacioni policor antikanabis “Alpe të pastra” do të vazhdojë dhe në ditët në vijim, në territoret malore në të gjithë qarkun Shkodër.
