Një aksident ka ndodhur pasditen e kësaj të Shtune në aksin Elbasan-Librazhd.
Raportohet se një mjet ka dalë nga rruga dhe për pasojë është përplasur me barrierat anësore.
Aksidenti ka ndodhur në vendin e quajtur “Kthesa e Murrashit”, ndërsa dyshohet të ketë ndikuar lagështira në rrugë.
Nuk raportohet për të lënduar, por vetëm dëme materiale.
Ndërkohë, grupi hetimor ka shkuar në vendin e ngjarjes për nisjen e hetimeve të këtij aksidenti.
