Harry Simson, anglezi që ka shërbyer si vrojtues rezulton të ketë pasur të kaluar të ngjeshur kriminale në Britaninë e Madhe.
Simson është dënuar në Angli plot 27 herë për vepra të ndryshme penale. Vëzhguesi është nga Birmingami, i proceduar për vjedhje, plagosje droge e vepra të tjera.
Anglezi i shpallur në kërkim, Simson, ishte akomoduar në hotelin e Ardian Nikulajt. Ai dyshohet se kishte rolin e mbikëqyrësit të lëvizjes së biznesmenit dhe i jepte informacione “killerit” portugez.
Vrasja e biznesmenit në Lezhë, sipas hetimeve, ka lidhje me një histori gjakmarrje mes dy fiseve Lekstakaj dhe Nikulaj, që ka shënuar disa viktima.
Nikulaj u ekzekutua me armë zjarri në ambientet e lokalit të tij “Coral” rreth orës 13:25, të 19 Prillit dhe 6 persona janë shpallur në kërkim lidhur me ekzekutimin e tij.
