Kryetari i PD-së Sali Berisha paralajmëroi se së shpejti do të denoncojë kryetaren e bashkisë së Durrësit. Ai tha se dosjet e saj të lënë pa mend ndërsa e ka cilësuar si versioni i Vangjush Dakos por me fustan.
“Njerëzit duhet të dëgjojnë qeveritarin e tyre vendor, kryetarin e tyre të ardhshëm të bashkisë por ata se bëjnë se janë të zhytur deri në vesh, prandaj i thotë Rama Kipes së Kamzës si e doni gomarin me kurriz apo jo. Pastaj kjo e Durrësit, kjo tjetra që është mafioze 24 karat, që me treguar dosjet e saj mbetesh pa mend dhe unë do e denoncoj. Sako është Vangjushi me fustan, mos ki merak se do dëgjosh shpejt për të“, tha Berisha në emisionin “Të Pa ekspozuarit” në MCN TV.
