Keidi Bare duket se është në rrugën e duhur. Dëmtimi i rëndë i pësuar 3 muaj më parë e penalizoi përkohësisht mesfushorin e kombëtares shqiptare. Por, tashmë ai është rikuperuar dhe gati për të dhënë maksimumin e vet.
Sot, Espanyol luajti kundër Villarreal, ndeshje që përfundoi me rezultatin 4-2 për ekipin e Bares. Vendasit ishin të papërmbajtshëm bashkë me lojtarin kuqezi që u vlerësua relativisht mirë pas takimit. Ai qëndroi në fushë për 67 minuta.
Duhet përmendur fakti se për herë të fundit Bare ishte aktivizuar si titullar me Espanyol pikërisht ndaj Villarreal dhe sot u rikthye si titullar sërish, që nga nëntori i vitit 2022. Padyshim ky është lajm i mirë edhe për Sylvinhon që do të ketë një armë më shumë në Kombëtare.
