Uli Hennes në mëngjes vizitoi Zebbener Strasse, aty ku, pas një pauze tre-ditore, u zhvillua seanca e parë stërvitore e Bayern që nga humbja 3-1 nga Mainz që bëri që bavarezët të zbresin në vendin e dytë në Bundesligë.
Ndryshe nga rutina e tij e zakonshme, megjithatë, presidenti i nderit i Bayernit shkoi në ambientet stërvitore të skuadrës gjermane jo vetëm për të parë programin, por edhe për të shkëmbyer ide me Thomas Tuchel, përpara se lojtarët të fillonin stërvitjen.
Hennes u ul për të paktën 15 minuta, madje duke bërë gjeste me forcë në disa raste.
Vizita e ish-zyrtarit, fjalët e të cilit kanë peshë të veçantë edhe në bordin drejtues, tregon se sa e rëndë është situata në klub. Megjithatë, vlen të theksohet se Hennes nuk kishte bërë asnjë lëvizje të ngjashme kur Julian Naglesmann ishte në krye të Bayernit.
