Olta Gixhari, e ftuar në “Wake up”, u ndal tek marrëdhënia që kishte me Amosin brenda shtëpisë së BBV dhe kujtoi momentin kur ai u largua dhe tregoi se është prekur nga talljet që i kanë bërë për faktin që ajo qau.
Me lot në sy Olta u shpreh se nuk e priste që njerëzit të talleshin me lotët e saj kur ishin vetë ata që i kërkonin të mos tregonte vetëm anën e saj të fortë.
“I vetmi person që u afrova ishte Amosi sepse me atë jemi miq, kemi ndarë skenën bashkë, edhe në film, edhe në teatër. E ndjeja si vëlla prandaj qava aq shumë. Kur dola dhe pashë që ishin tallur aq shumë me lotët e mi, më erdhi shumë keq. Nuk më ka ardhur shumë keq kur pashë sa më urrenin dhe sa më kanë bullizuar, por jam prekur shumë në momentin që…”, tha Olta dhe u përlot.
Më pas me lot në sy Olta vazhdoi:”...ishte momenti kur Amosi doli nga shtëpia dhe unë kam qarë, mbase në mënyrë pak teatrale, por unë jam rritur me teatrin. Përpara se njerëzit të hedhin një mendim për ty duhet të bëjnë një analizë. Unë jam një njeri që jam rritur në teatër që në klasë të pestë dhe mënyrat e mia mund të jenë pak teatrale, por janë aq të vërteta sa jeta ime reale. Më ka dhembur që janë tallur dhe ishin po këta personazhë që më thonin pse nuk qan kjo, por do të nxjerrë vetëm anën e fortë. Në momentin e parë që unë qaj, u tallën.”
