Sipas ekspertit të ekonomisë Fatos Çoçoli, euro do të vijojë rënien deri në fund të fushatës.
Sidoqoftë, ai sqaro, se është shumë e vështirë të parashikohet niveli i monedhës europiane.
“Euro vijon të ketë një tendencë rënëse. Ndonjëherë thuhet për rastet e parashikimeve të këmbimeve valutore që është pyetje 1 milionë dollarëshe në rast se realisht do të arrish ta gjesh se çfarë do të ndodhë, por duke parë mënyrën se si ka ardhur deri tani unë them që euro do të vijojë rënien deri në fund të fushatës sepse kanë një lidhje dhe paratë e fushatës me raportin e këmbimit,” – u shpreh Çoçoli në një intervistë për Euronews Albania.
Më 30 mars 2022, euro këmbehej në tregun tonë me 121.8 lekë. Sot, një vit e tre javë më vonë, euro këmbehet me vetëm 111.7 lekë, duke përberë një rekord historik të një niveli kaq të ulët. Euro ka humbur mbi 7 për qind të vlerës.
