Një video e moderatores dhe aktores Megi Pojani duke bërë disa skena të pahijshme në varreza po bën xhiron e rrjetit dhe ka sjellë komente të shumta negative.
Moderatorja e cila ndodhej së bashku me motrën e saj, Marsin tek varri i stërgjyshes ka bërë disa xheste tallëse dhe provokuese teksa po i pastronte vendin. E ndërsa sillej sikur ishte shumë e mërzitur dhe duke vuajtur, më pas ajo fillon të qeshë kurse motra e saj i thotë që të kërkoj falje për veprimin që bëri. Mirëpo Megi nuk ka pranuar teksa shprehet se sërgjyshja nuk e ka idenë se stërmbesa e saj është shumë e famshme.
Videoja është publikuar nga vetë Marsi në Instagramin e saj, e cila më pas e ka fshirë.
“Jo nuk e them, ajo as nuk e di se çfarë po bëj. Ajo as nuk e di që Instagrami ekziston, nuk e di se këtë gje do te shikoj e gjithë bota sepse stërmbesa e saj është e famshme. Po, jam e famshme më shiko, shikoje këtë fytyrë, kjo kushton para.”- thotë Megi.
