Egnatia dhe Laçi kanë barazuar 1-1 në “Stadiumin Partizani”, në ndeshjen e vlefshme për Superligën.
Ndeshja për skuadrën nga Rrogozhina do të komplikohej shumë në minutën e 30-të, kur Zejnullai do ndëshkohej me karton të kuq pas një ndërhyerje ndaj Roganoviçit.
Në inferioritet numerik, goli i pësuar erdhi në fillimin e pjesës së dytë. I zakonshmi Guindo bën atë që di të bëjë më mirë, duke dërguar sferën pas shpinës së portierit.
Egnatia do reagonte dhe do mund të vendoste ekuilibrat vetëm pak minuta më vonë falë Jackson, i cili ekzekuton saktë një penallti.
Të besuarit e Tetovës shkojnë në kuotën e 43 pikëve në vendin e 3-të. Djemtë e Stavri Nicës pozicionohen në vendin e pestë me 40 pikë.
