Një aksident i rëndë është regjistruar në mesditë në lagjen 14 të qytetit të Durrësit. Një e moshuar në tentativë për të kaluar rrugën është përplasur nga një automjet tip “BMW”, që drejtohej nga një vajzë 22-vjeçare.
E aksidentuara mësohet se është një 80-vjeçare. Ajo ka qëndruar e gjakosur për disa minuta në mes të rrugës dhe pas ardhjes së ambulancës u transportua në spital. Mësohet se e moshuara ndodhet në gjendje të rëndë, por po trajtohet me ndihmën e nevojshme mjekësore.
Sakaq, raportohet se mjeti që përplasi këmbësoren ka qenë duke lëvizur me shpejtësi brenda normave të lejuara, por drejtuesja Kejsi Korçuku nuk ka mundur të manovrojë sa duhet për të shmangur përplasjen.
Policia është në vendin e ngjarjes dhe ka ndaluar drejtuesin e automjetit, i cili po merret në pyetje.
Automjeti po lëvizte nga Shkozeti në drejtim të Durrësit, ndërsa e plagosura ende e paindetifikuar i ka dalë papritur përpara në tentativën për të kaluar rrugën.
Ndërkohë në vendngjarje ka pasur një konflikt verbal mes qytetarëve dhe efektivëve të policisë, pasi iu kërkuan llogari për vonesën e ambulancës, teksa zonja e aksidentuar dergjej në rrugë.
