Ylli i muzikës K-pop, Moonbin ka ndërruar jetë në moshën 25-vjeçare.
Lajmi është bërë i ditur nga kompania e tij diskografike. I riu u gjet pa ndjenja nga menaxheri në banesën e tij në Seul të mërkurën mbrëma, raportuan mediat koreano-jugore.
“Duket se ai i kishte dhënë fund jetës, por jemi në pritje të rezultateve të autopsisë për të përcaktuar shkakun e saktë të vdekjes së tij”, tha policia. Moonbin “u largua papritur nga bota jonë dhe u bë një yll në qiell”, tha kompania e tij diskografike.
25-vjeçari ishte aktor dhe model përpara se t’i bashkohej grupit të djemve Astro në vitin 2016, një grup i njohur K-pop.
