Vetëm 8 minuta pas nisjes së ndeshjes, Sevilla ka gjetur golin e parë përballë “djajve” të Manchester United, ky sërish një pjesë e mirë e fajit bie mbi mbrojtësin Harry Maguire.
Fillimisht kapiteni i “djajve” kthen një top te portieri De Gea, me këtë të fundi që pason sërish tek anglezi, por në këtë moment Maguire gjendet mes 3 lojtarësh të Sevilla dhe “bomberi” maroken Yousseg En-Nesyri i rrëmben topin dhe ballë për ballë me portierin spanjoll nuk gabon duke e çuar topin në rrjetë. Rezultati shkon në 1 me 0.
Takimi i parë mes skuadrave në Angli u mbyll në barazim 2-2.
Ndërkohë në Portugali, Juventus mori fillimisht epërsinë ndaj Sporting, por vendasit u përgjigjën shpejt duke barazuar rezultatin.
Pas një goditje këndi, topi mbetet në zonë dhe Rabio tregohet më i shkathët me devijimin e tij duke i dhënë avantazhin bardhezinjve në minutën e 9-të.
Ndërsa portugezët barazuan me Edwards (20′) i cili u tregua i saktë nga pika e bardhë e 11-metërshit.
