Chelsea kërkon të mbajë edhe për të ardhmen sulmuesin shqiptar, Armando Broja.
Sipas “Daily Mail”, pavarësisht dëmtimit të pësuar në dhjetor, presidenti Todd Boehly kërkon ta mbajë edhe minimalisht një sezon bomberin me origjinë shkodrane.
Numri 1 i klubit që shpenzoi 5 miliardë euro për ta blerë klubin dhe rreth 600 milionë të tjera gjatë vitit të fundit të merkatos, do të bëjë shkurtime të mëdha e madje edhe lojtarë të transferuar vitin e fundit, por Broja do të vazhdojë të jetë pjesë e projektit të bluve, pavarësisht faktit se gjatë sezonit të fundit është kushtëzuar nga dëmtimet.
Emrat më të mundshëm për t’u larguar janë Koulibaly, Havertz, Mendy, Azpilicueta, Kovacic, Loftus-Cheek, Pulisic, Ziyech, Joao Felix dhe Pierre-Emerick Aubameyang.
