Victor Osimhen është një nga sulmuesit më të kërkuar në Europë. Nuk mund të ndodhte ndryshe pas sezonit që po luan me Napolin, ku sulmuesi nigerian ka qenë fantastik.
Tre klube kërkojnë shërbimet e sulmuesit të Napolit, me Chelsea, Manchester United dhe PSG. De Laurentiis i ka vendosur një çmim prej 150 milionë eurove, por ende shpreson të bindë lojtarin dhe agjentët e tij që të rinovojnë kontratën e tij.
Megjithatë, në këtë mes futen edhe ambiciet e lojtarit, i cili pas fitimit të titullit me Napoli që është pothuajse i sigurt këtë sezon, ai do të dëshirojë të fitojë edhe Champions League, diçka që ia kishte besuar presidentit në të njëjtën kohë kur ata shtrënguan duart herën e parë në vitin 2020.
Chelsea, pavarësisht pasurisë, do të mbetej jashtë zgjedhjeve të mundshme të sulmuesit, duke qenë se vitin e ardhshëm klubi anglez nuk do të luajë në Champions League. PSG nuk mund të jetë një destinacion duke marrë parasysh se edhe idhulli i tij Drogba i kërkoi të mos shkonte atje. Kështu që klubi i vetëm që mund ta plotësojë atë nga ana financiare, por edhe nga mundësia e artë për një Champions League është Manchester United.
Në fund, zgjedhja do të varet nga ai, me Napolin që ende shpreson të jetë në gjendje të konfirmojë një nga sulmuesit më pjellorë në botë.
