Policia në kryeqytetin grek, Athinë, ka zbardhur një grabitje të përgjakshme që ka ndodhur mbrëmjen e së hënës në zonën e Akropolit, ku në kryqëzimin e rrugëve Panos dhe Polygnotou, dy 17-vjeçarë shqiptarë kanë sulmuar me thikë një 18-vjeçar.
I riu u godit me thikë në qafë dhe bark gjatë tentativës për t’i grabitur çantën që kishte në shpinë. Gjendja shëndetësore e 18-vjeçarit mbetet kritike, pasi ai është i intubuar dhe ende ndodhet në spital në gjendje të rëndë, pasi ka humbur shumë gjak.
Ndërkohë, policia ka vënë në pranga dy 17-vjeçarët shqiptarë, duke zbuluar se njëri prej tyre ka qenë i skeduar për dy grabitje të tjera me thikë, në Ilion dhe Agios Panteleimonas.
Autori, siç konstatohet nga hetimet e policëve me përvojë të Nëndrejtorit të Sigurimit të Athinës, është akuzuar për një grabitje në vitin 2022 në Ilion, kur ka rrëmbyer një celular me thikë dhe një vjedhje po celulari në Agios Panteleimonas.
Ai është nxënës i Liceut, me identitet grek dhe origjinë nga Shqipëria, ndërsa konstatohet se është fëmijë i një familjeje të varfër me nënën shtëpiake dhe babain që punon me kohë të pjesshme në ndërtim.
Në të njëjtën kohë, hetimi i posaçëm për sulmet e javëve të fundit në zonën e Akropolit dhe Monastiraki ka nxjerrë prova që tregojnë se dy shqiptarët kanë qenë protagonistë të grabitjeve aty.
Një prej 17-vjeçarëve shqiptarë u arrestua dje në mesditë në shtëpinë e tij në Agios Panteleimonas, ku u gjetën edhe rrobat e gjakosura që kishte veshur natën e sulmit të përgjakshëm.
Ai e ka pranuar grabitjen dhe ka rrëfyer se kur i është afruar viktimës i ka kërkuar celularin që kishte në çantë dhe 18-vjeçari ka tentuar të ikte dhe në këtë moment ka ndodhur tragjedia.
Por, i riu shqiptar nuk ka mundur të justifikojë se pse e goditi viktimën me thikë në qafë dhe bark deri në gjakderdhje, siç konstatuan mjekët, duke e çuar 18-vjeçarin në spital në gjendje kritike.
Ndërkohë autori i dytë, gjithashtu me origjinë shqiptare mohon përfshirjen e tij në grabitje, me shpresën se shoku i arrestuar do të marrë të gjithë fajin mbi vete dhe kështu do t’i shpëtojë paraburgimit.
Siç rezultoi nga hetimet e policisë së Nëndrejtorit të Sigurisë së Athinës, dyshja e grabitësve të mitur kanë shkuar në zonën e Akropolit për të grabitur pa vënë re se 18-vjeçari nuk ishte vetëm dhe jo me katër shokët e tjerë të tij.
Një prej miqve të viktimës ka qenë ai që ka ndjekur grabitësit pas sulmit brutal dhe ka arritur të “arrestojë” njërin prej tyre pak metra larg vendit të sulmit të përgjakshëm.
